पन्त्र वर्षीय नाबालिकालाई गर्भवती बनाएका ५० वर्षीय एक ठेकेदारलाई महानगरीय प्रहरी बृत्त, बाैद्ध शाखाले पक्राउ गरेकाे छ। काठमाडाैं नयाँबस्तीमा बस्दै आएका पुरुषले विभिन्न प्रलाेभन देखाएर नाबालिकासँग जबरदस्ती याैन सम्पर्क स्थापित गरेका थिए। 

महानगरीय प्रहरी बृत्त बौद्धका प्रमुख डीएसपी नवीन कार्कीका अनुसार ठेक्कापट्टा गर्दै आएकी किशाेरीकाे आमा बलत्कार गर्ने ठेकेदारकै साइटमा काम गर्दै आइरहेका थिए। किशाेरीको पेट बढ्दै गएपछि उपचारका लागि अस्पताल पुर्याइएकाे थियाे। अस्पतालमै उनी गर्भवती भएको खुलेपछि उनले आफूलाई बलत्कार गर्ने ठेकेदारकाे नाम बताएकी थिइन।

‘पहिले डरले कसैलाई नभनेकी रहेछिन्। उनको पेटमा गर्भ बसेको थाहा भएपछि उनले आफूलाई जबरदस्ती गर्ने गरेकाे बताइन्,’ डीएसपी कार्कीले बिएल नेपाली सेवासँग भने। प्रहरीले किशाेरीलाई गर्भवती बनाउने पुरुषलाई  नियन्त्रणमा लिएको छ। ‘अनुसन्धान भइरहेकाे छ,’ कार्कीले भने।