प्रहरीले अवैधरूपमा चोरी गरेर मिनीट्रकमा लोड गरी लैजाँदै गरेको अवस्थामा ९९.५१ किवि सखुवाको काठसहित आज एक जनालाई पक्राउ गरेको छ। 

पक्राउ पर्नेमा इलाम नगरपालिका–२ का २१ वर्षीय गणेश राई रहेका छन्। 

दमक नगरपालिका–४ कृष्ण मन्दिरस्थित दक्षिणबाट उत्तरतर्फ को१ख ३०६२ नंको सेतो रङको मिनीट्रक प्रयोग गरी काठ लैजाने क्रममा उनलाई प्रहरीले पक्राउ गरेको हो। 

ट्रकको पछाडिपट्टि क्यारिङको भागमा त्रिपालले छापेर खापा काटेको अवस्थामा चिरान गरेको अवैध सखुवाको काठ ल्याउँदै गरेको अवस्थामा राईलाई ताराबारी अस्थायी प्रहरी चौकीले चेकजाँच गर्दा पक्राउ गरेको जिल्ला प्रहरी कार्यालयका प्रवक्ता राकेश थापाले जानकारी दिए। 

'बरामद काठ, ट्रकसहित उनलाई आवश्यक कानूनी कारवाहीका लागि आजै उनलाई डिभिजन वन कार्यालय झापामा बुझाइएको छ' प्रहरी थापाले भने।