लागूऔषध मुद्धामा फरार व्यक्ति पक्राउ परेका छन् । अदालतबाट कैद र जरिवाना भइ फरार अभियुक्तलाई प्रहरीले पक्राउ गरेको हो ।
प्रहरीले जिल्ला बाँके तत्कालीन मनिकापुर गाविस ८ हाल नेपालगञ्ज २० मदनापुर बस्ने वर्ष २७ दिलबहादुर घर्ती मगरलाई पक्राउ गरेको जिल्ला प्रहरी कार्यालय बाँकेले जनाएको छ ।
लागुऔषध मुद्धामा उनलाई २०७४/०१/३१ गते जिल्ला अदालत बाँकेबाट २ महिना १० दिन कैद सजाय तोकिएको थियो । तर उनी विगत तीन वर्षददेखि फरार थिए ।
बाँके प्रहरी प्रमुख ओमबहादुर रानाका अनुसार उनलाई बिहीबार प्रहरीको विशेष व्युरोले उनलाई पक्राउ गरेको हो ।
उनलाई थप अनुसन्धानका लागि जिल्ला अदालत बाँकेमा बुझाइएको उनले जानकारी दिए । बाँके प्रहरीले हालसम्म ४८२ जना फरार प्रतिवादी पक्राउ परेको छ ।
.jpg)
