बारा प्रहरीले दुई सता अघि १६५ किलो लागुऔषध गाँजा कारमा छोडेर भाग्ने चालकलाई पक्राउ गरेको छ । 

ईलाका प्रहरी कार्यालय कोल्हवीको टोलीले मंगलवार कोल्हवी ५ सोनाभार टोलमा बस्ने २२ वर्षिय शनी भनिने गौरीशंकर चौधरीलाई प्रहरीले पक्राउ गरेको बाराका प्रहरी नायब उपरीक्षक गौत्तम मिश्रले जानकारी दिए । 

गत भदौ १५ गते कोल्हवी नगरपालिका ९ श्रीपुरमा बिहान साढे ४ बजे सशस्त्र प्रहरीको चेकिङलाई देखेर चौधरीले चलाएको प्रदेश ३ –१–०२२ च ८१३४ नम्बरको  कार छोडेर भागेका थिए । 

उक्त कार चेकजाँच गर्दा १६५ किलो गाँजा बरामद भएपछि बारा प्रहरीले अनुसन्धान शुरु गरेको थियो ।