यूएईको शारजाहमा हत्या भएका दुई नेपालीमध्ये एकको परिचय खुलेको छ । अगष्ट ८ हत्या घटनाका दुई नेपालीमध्ये एकको पहिचान खुलेको हो।

तनहुँका ३६ वर्षीय मंगलराज श्रेष्ठको पहिचान भए पनि अर्का एक नेपालीको भने अझै पहिचान खुल्न नसकेको यूएईस्थित नेपाली दूतावासले जनाएको छ ।

यूएईमा दुई नेपालीको हत्या भएको समाचार प्रकाशन भएपछि दूतावासले पनि चासो लिएको थियो । दुई समूहबीच झगडा भएपछि उनीहरुको हत्या भएको हुन् सक्ने यूएई प्रहरीले जनाएको छ ।

दूतावासका अनुसार पहिचान खुलेका श्रेष्ठको शरीरमा २० ठाउँमा छुरा प्रहार भएको तथा अर्का नेपालीको पनि शरीरमा धारिलो हतियार प्रहार गरी हत्या भएको खुलेको थियो ।

घटनाबारे थप अनुसन्धान भइरहेको र घटनामा संलग्न भएको आशंकामा केही पक्राउ गरिएको जनाएको छ ।