कीर्तिपुरको बल्खु खोलामा आइतबार बिहान एक जना पुरूषको शव फेला परेको छ।

कीर्तिपुर नगरपालिका २ मक्वाचाबाट चन्द्रागिरी नगरपालिका १५ नैकाप जाने झुलुङ्गे पुलमुनि पुरूषको शव फेला परेको हो।

महानगरीय प्रहरी वृत्त कीर्तिपुर डिएसपी रूकेश तन्डुकारका अनुसार अर्धनग्न अवस्थामा अन्दाजी ४५-५० वर्षका पुरूषकाे शव फेला पारिएकाे थियाे।

उनको सनाखत भइनसकेको डिएसपी तन्डुकारले जानकारी दिए।

अहिले शव पोष्टमर्टमको लागि महाराजगन्जस्थित टिचिङ अस्पतालमा लगिएको छ।