गाई काटेको आरोपमा  प्रहरीले चार जनालाई पक्राउ गरेको छ। सोमबार बेनी नगरपालिकामा ८ कालीमा गाई काटिरहेको अवस्थामा उनीहरूलाई नियन्त्रणमा लिइएको हो।

पक्राउ पर्नेमा मालिका गाउँपालिका ५ का हिरा रसाइली, बेनी ६ का वीरबहादुर किसान, वडा नं ८ का चन्द्र दर्जी र बडिगाड गाउँपालिका २ बागलुङका राजु विक छन्। 

‘चार जनालाई गाई काटिरहेकै अवस्थामा पक्राउ गरी अनुसन्धान थालेका छौं,’ जिल्ला प्रहरी कार्यालयका प्रहरी निरीक्षक ध्रुव शर्माले भने।

उनीहरूमाथि पशुपक्षीसम्बन्धी कसुरमा अनुसन्धान थालिएको प्रहरीले जनाएको छ।