मोरङको कटहरी गाउँपालिकामा तीन केजी गाँजासहित दुई युवकलाई प्रहरीले पक्राउ गरेको छ । 

सुनसरी धरान १५ बस्ने ३४ वर्षीय  आशिष राई र पछाडि बस्ने धरान–१६ का २२ वर्षीय सञ्जीव राईले बोकेको झोलामा उक्त गाँजा बरामद गरेको जिल्ला प्रहरी कार्यालय मोरङले जनाएकाे छ। 

प्रहरीका अनुसार कटहरी गाउँपालिका –१ सिङगिया खोला नजिक वडा प्रहरी कार्यालय (ख) हाटखोलाबाट खटिएको प्रहरीले आइतबार जाँचको क्रममा को२५प ८०७४ नं को मोटरसाइकलमा सवार उनीहरुकाे झोलामा तीन किलाे गाँजा बरामद गरिएकाे हाे।

प्रहरीले मानिस, गाँजा र मोटरसाइकल नियन्त्रणमा लिई आवश्यक अनुसन्धान शुरु गरेको मोरङ प्रहरीका सूचना अधिकारी प्रहरी नायब उपरीक्षक मानबहादुर राईले बताए ।