मकवानपुरको भीमफेदीमा रहेको क्षेत्रीय कारागारबाट फरार सहनाइकेलाई नौ महिनापछि पक्राउ परेका छन्।

जिल्ला प्रहरी कार्यालय मकवानपुरले गत वर्ष कात्तिक ३० गते कारागारबाट फरार भएका उनलाई शुक्रबार पक्राउ गरेको हो । 

प्रहरीले आइतबार पत्रकार सम्मेलन गर्दै कारागारबाट भागेका २५ वर्षीय कुलदिपराज धामीलाई नवलपरासीको देउचुली नगरपालिकाबाट पक्राउ गरेको जनाएको छ।

मकवानपुरबाटै गएको टोलीले उनलाई कञ्चनपुरबाट चितवनतर्फ आउँदै गर्दा पक्राउ गरेकाे हाे।  

उनलाई आइतबारै कारागार चलान समेत गरिएको छ। उनी कर्तव्य ज्यान मुद्धामा २० वर्ष कैद भुक्तान गरिरहेका थिए। उनले सुनसरीको रामधुनी नगरपालिका ७ बस्ने २१ वर्षीया रोजिन गुरुङको हत्या गरेका थिए।