कालीकोटमा पहिरो परी ससुरा बुहारीको मृत्यु भएको छ।

सान्नी त्रिवेणि गाउँपालिका ६ बुढागाउँका ६० वर्षीय पर्शुराम संज्याल र उनकी बुहारी नाता पर्ने २९ वर्षीया तारा संज्यालको मृत्यु भएको कर्णाली प्रदेश प्रहरी कार्यालय सुर्खेतका वरिष्ठ प्रहरी उपरीक्षक (एसएसपी) राजेशनाथ बास्तोलाले जानकारी दिए।

उनका अनुसार बिहीबार बिहान खानेपानी लिन लालिखोला गएकोबेला पहिरोमा परी पर्शुराम गम्भीर घाइते भएका थिए। 

उनको उपचारका क्रम्मा मृत्यु भएको थियो। पहिरोमा परी बेपत्ता भएकी ताराको भने शव निकालिएको एसएसपी बास्तोलाले बताए।