मकवानपुरमा मालबाहक ट्रक दुर्घटना हुँदा एक जनाको मृत्यु भएको छ भने एक घाइते भएका छन्।

आइतबार बिहान पूर्वपश्चिम राजमार्गअन्तर्गत मनहरी–९ खरङ्गा भन्ने ठाउँमा ट्रक सडकबाट अन्दाजी ३० फिट तल खस्दा ट्रकका सहचालक २० वर्षीय राज चौधरीको मृत्यु भएको हाे। 

दुर्घटनामा मृतक राजका बाबु तथा ट्रकका चालक लक्ष्मीनारायण चौधरी घाइते भएकाे  जिल्ला प्रहरी कार्यालयले जनाएको छ।

बारा जिल्लाबाट मकै लिएर चितवनतर्फ जाँदै गरेको ना ४ ख ७०४ नं.को ट्रक अनियन्त्रित भई सडकबाट तल झरेको र चौधरीको च्यापिएर मृत्यु भएको प्रहरीले जनाएको छ। 

घटनाका बारेमा थप अनुसन्धान भइरहेको जनाइएको छ।