रुपन्देहीमा करेन्ट लागेर एक महिलाको मृत्यु भएको छ । 

मायादेवी गाउँपालिका ६ बेथरीकी ४० वर्षकी इन्द्रा पासवानको टेबुल पंखामा करेन्ट लागेर मृत्यु भएको हो ।

करेन्ट लागेर घाइते भएकी उनको उपचारको लागि युनिभर्सल मेडिकल कलेज भैरहवामा लगिएकोमा डाक्टरले मृत घोषणा गरेका प्रदेश ५ प्रहरी कार्यालयले जनाएकाे छ। .

यस्तै नवलपरासी पश्चिमको सुस्ता गाउंपालिका ५ स्थित नारायणी नदीमा डुकेर एक पुरुष वेपत्ता भएका छन् ।

नारायणी नदीको ३ नम्बर ठोक्करमा दाउरा तान्ने क्रममा चिप्लिएर सुस्ता रामनगरका ५५ वर्षका राधेश्याम कोइरी वेपत्ता भएका हुन् । उनको खोजी भइरहेको प्रहरीले जनाएको छ ।