चितवन

नारायणगढ–मुग्लिङ सडकखण्डको चार किलोमा फेरि पहिरो खसेपछि सडक अवरुद्ध भएको छ ।

बिहिबार राति ८:४५ बजे सो स्थानमा ठूलो पहिरो खसेको हो। जिल्ला प्रहरी कार्यालय चितवनका अनुसार इच्छाकामना गाउँपालिका–६ स्थित चार किलोमा पहाडको माथिबाट पहिरो खसेको हो ।

अविरल वर्षा भइरहेकाले रातको समयमा पहिरो पन्छाउने सम्भावना नरहेको चितवन जिल्ला प्रहरी कार्यालयका प्रवक्ता सूर्यबहादुर थापाले जानकारी दिए। यस वर्षका वर्षात्सँगै त्यो ठाउँमा पटक पटक पहिरो गएर दुःख दिइरहेको छ।