वर्षापछि गएको पहिरोमा परी पूर्वी नवलपरासीको बुलिङटारका एक दम्पत्ति बेपत्ता भएका छन्।

बुलिङटार गाउँपालिका २ डाँडाझेरी गाउँको टाँडीका ७० वर्षीय शेरबहादुर सार्की र उनकी श्रीमती बेपत्ता भएका हुन्।

मंगलबार बिहान ३ बजेतिर गएको पहिरोमा परी उनीहरू बेपत्ता भएकाे गाउँपालिकाका अध्यक्ष शशीकिरण बस्ताँकोटीले जानकारी दिए।

 यता नजिकै रहेको अर्को घरमा छोरा बुहारी र नातिनातिनी सकुशल रहेको अध्यक्ष बस्ताँकोटीले बताए।

पहिरोमा परी बेपत्ता भएका सार्की दम्पत्तिको खोजी कार्य भइरहेको प्रहरीले जनाएको छ।