धनगढीमा ‘ग्याङफाइट’मा धारिलो हतियार प्रहार गरी घाइते पारेको आरोपमा दुई जना पक्राउ परेका छन्। 

शुक्रबार राति धनगढी उपमहानगरपालिका १३ राजपुरका २३ वर्षीय निरज भट्ट र २२ वर्षीय गणेश धामीमाथि धारिलो हतियार प्रहार भएको थियो।

घटनामा संलग्न भएको आरोपमा धनगढी ३ का २२ वर्षीय सन्नी नेपाली र वडा नम्बर २ का २२ वर्षीय दिपेन्द्र भण्डारीलाई प्रहरीले पक्राउ गरेको हो।

उनीहरुलाई धनगढी उपमहानगरपालीका ३ बडहराबाट खुकुरी र तरवारसहित पक्राउ गरिएको प्रहरीले जनाएको छ।

प्रारम्भिक अनुन्धानको क्रममा पूर्व रिसिबीको कारण झैझगडा हुदाँ हतियार प्रहार गरेको खुल्न आएको र घटनाबारे थप अनुसन्धान भइरहेको प्रहरीले जनाएको छ।