काठमाडौं उपत्यकामा कोरोना संक्रमितको संख्या तीन सय कटेको छ।

शुक्रवार २८ जना कोरोना संक्रमित थप भएसँगै काठमाडौंमा कूल संक्रमितको संख्या २ सय २४ पुगेको छ। शुक्रवार उपत्यकाका तीन जिल्लामा थप ४२ जनामा कोरोना संक्रमण पुष्टि भएसँगै उपत्यकामा संक्रमितको कुल संख्या ३३८ पुगेको स्वास्थ्य मन्त्रालयले जनाएको छ।

शुक्रराज ट्रपिकलमा गरिएको नमुना परीक्षणमा काठमाडौंका १ जना, पाटन अस्पतालको प्रयोगशालामा गरिएको परीक्षणमा ललितपुरका १३ जना र काठमाडौंका १५ जनामा कोरोना पुष्टि भएको हो।

यही अस्पतालमा भक्तपुरका १ जनामा कोरोना पुष्टि भएको छ। शिक्षण अस्पताल महाराजगञ्जमा काठमाडौंमा १२ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ।

शुक्रवार २८ जना कोरोना संक्रमित थप भएसँगै काठमाडौंमा कूल संक्रमितको संख्या २ सय २४ पुगेको छ।

यस्तै ललितपुरमा १३ जना संक्रमित थप हुँदा कूल ७० जनामा संक्रमण देखिएको छ। यस्तै भक्तपुरमा आज एक जनामा संक्रमण पुष्टि भएसँगै त्यहाँ संक्रमितको संख्या ४४ पुगेको छ।