महानगरीय अपराध महाशाखाको टोलीले एक व्यक्तिलाई पक्राउ गरेको छ। पक्राउ पर्नेमा रामेछाप मन्थली नगरपालिका १३ घर भइ हाल काठमाडौ‌ंको चुनिखेल बस्दै आएका ३५ वर्षीय रोशन बर्देवा रहेका छन्। 

उनलाई काठमाडौ‌ं महानगरपालिकास्थित बालुवाखानीतिर हतियार बोकेर हिँडिरहेको भन्ने सूचनाको आधारमा महाशाखाको विशेष टोलीले  एक थान पेस्तोलसहित पक्राउ गरेको महाशाखाका प्रवक्ता प्रहरी उपरीक्षक केदार प्रसाद ढकालले बताए। 

उनी नेपाली सेनाको भगौडा भएको पाइएको प्रहरीले जनाएको छ। उनीमाथि थप अनुसन्धान भइरहेको बताए।