नेपालमा हरेक दिन सालाखाला १६ जनाले आत्महत्या गर्ने तथ्यांक सार्वजनिक भएको छ । यो तथ्यांक नेपाल प्रहरीको हो ।
केही वर्षयता नेपालमा आत्महत्याको संख्या दिनानुदिन बढिरहेको छ । नपाली प्रहरीका अनुसार सन् २०१७/०१८ मा पाँचहजार चारसय नेपालीले आत्महत्या गरेका छन् ।
आत्महत्या गर्नेमा युवा तथा किशोरकिशोरीको सङ्ख्या बढी छ। त्यसमा पनि पुरूषको संख्या बढी भएको प्रहरीको तथ्यांकमा देखिन्छ ।
विश्व स्वास्थ्य संगठनले पनि नेपाललाई आत्महत्या बढी गर्ने देशको सूचीमा सातौ स्थानमा सूचिकृत गरेको छ । अझ महिला आत्महत्याको संख्यालाई हेर्ने हो भने त नेपाल तेस्रो स्थानमा रहेको छ ।
डब्ल्यूएचओका अनुसार विश्वमा प्रत्येक ४० सेकेन्डमा एक जनाले आत्महत्या गर्छन् ।
विश्वभरि १५ देखि २९ वर्ष उमेर समूहका मानिसको मृत्युको दोस्रो ठूलो कारण आत्महत्या हो ।
आत्महत्या गर्नुअघिका सङ्केतलाई पहिचान गर्न सके धेरैको ज्यान जोगाउन सकिने निचोड अनुसन्धानबाट देखिएको छ ।
.jpg)
