रुकुम पश्चिममा खुर्पा प्रहार गरी एक व्यक्तिले श्रीमतीको हत्या गरेका छन्।

मुसिकोट नगरपालिका–३ माछिमीका २७ वर्षीय नवीन खड्काले २५ वर्षीया श्रीमती कमला बुढाथोकी खड्काको गए राति हत्या गरेको जिल्ला प्रहरी कार्यालयले जनाएको छ।

खड्काले मदिरा सेवन गरी सोमबार राति श्रीमती कमलाको हत्या गरेको रुकुम पश्चिमका प्रहरी प्रमुख डीएसपी सुमित खड्काले जानकारी दिए।

श्रीमतीको हत्या गरी फरार रहेका खड्कालाई प्रहरीले नियन्त्रणमा लिएर आवश्यक कारवाही अघि बढाएको प्रहरीले जनाएको छ।