५ कात्तिक, काठमाडौं । आगामी मंसिर १४ गते तीन तहका कुल ५२ सीटमा हुन गइरहेको उपनिर्वाचनमा सत्तारुढ नेकपा र प्रमुख प्रतिपक्षी नेपाली कांग्रेसवीच मुख्य प्रतिस्पर्धा हुने देखिएको छ । तर, विगतमा एमाले र माओवादीले बेग्लाबेग्लै उम्मेद्वारी दिएको हुनाले यसपालिको चुनावमा एकीकृत नेकपासँग भिडन्त गर्नु नेपाली कांग्रेसका लागि फलामको च्यूरा चपाएसरह हुने देखिएको छ ।
यद्यपि प्रस्तुत समाचारमा हामीले आगामी चुनावको विश्लेषण गरेका छैनौं । यहाँ केवल उपनिर्वाचन हुन लागेका ५२ स्थानमा विगत २०७४ सालको चुनावमा कुन दलले कति स्थान जितेका थिए भन्ने अंकगणीय प्रस्तुती मात्र दिने प्रयास गरिएको छ ।
