काठमाडौं । सत्तारूढ नेपाल कम्युनिस्ट पार्टी (नेकपा) अध्यक्ष पुष्पकमल दाहाल ‘प्रचण्ड’ले पुनः एक्लो महसुस गर्न थालेका छन् । पार्टीभित्र अर्का अध्यक्ष केपी शर्मा ओलीले पार्टी र सरकार सञ्चालनमा आफूलाई छायामा पारेको महसुस प्रचण्डले गर्न थालेको उनी निकटस्थहरू बताउँछन् ।
प्रधानमन्त्रीसमेत रहेका अध्यक्ष केपी शर्मा ओली ‘स्वेच्छाचारी’ ढङ्गले अघि बढेको भन्दै प्रचण्डले पूर्वएमालेका नेताहरूसँग गुनासो गर्न थालेको नेकपाका एक स्थायी कमिटी सदस्य बताउँछन् ।
