महिनावारीमा गडबडी भयो ? रक्तश्राव भयो ? जँचाउन ढिला नगरौं

प्रि–मेनोपज
महिलाहरुमा महिनावारी सुक्ने अथवा रोकिने प्राकृतिक प्रकृयालाई रजनोवृत्ति अर्थात् मेनोपज (Menopause) भनिन्छ । उमेर ढल्कँदै गएपछि अर्थात् महिलाको शरीरले बच्चा जन्माउन सक्ने क्षमता गुमाउँदै गयो है भन्ने कुराको संकेत हो– मेनोपज । यस अवस्थामा महिलाको शरीरभित्र गर्भाशयमा अण्डा परिपक्व भएर निस्काशन हुने प्रक्रिया रोकिन्छ । यसलाई हामी अण्डाको उत्पादन बन्द  भएको अर्थमा पनि बुझ्न सक्छौं ।

अण्डाको उत्पादन रोकिनु भनेको अब उसमा सन्तान जन्माउन सक्ने क्षमता पनि सकियो है भन्ने कुराको पनि संकेत हो । यस अर्थमा महिनावारी सुक्नु वा रोकिनु भनेको स्तनपायी प्राणीहरु, जसमा मानिस समेत मुख्यतः पर्दछ, का लागि प्रकृतिले गरिदिएको अद्भूत सुरक्षा व्यवस्था पनि हो ।