इन्द्रचोक नजिकै किलागलका १४ वर्षीय सञ्जय कपाली एकाएक टोलबाट हराए। टोलमा बारम्बार दौडिरहने किशोर नदेखेपछि टोलबासीको चासो बढेको थियो। यो विक्रम संवत् २०५९ सालको कुरा हो।
सञ्जयका बुबा सन्तोष किलागलमै टेलर सञ्चालन गर्थे। सन्तोष दिनभर कपडा सिलाउँथे। आमा मैँयादेवी उनलाई काममा सघाउँथिन्। निम्न आर्थिक परिवारका सन्तोषका छोरा हराएपछि टोलबासीमा चासो बढ्यो।
सन्तोषकै घरपछाडि भारत बिहारका मिथुन ठाकुरको कपाल काट्ने पसल थियो। एकदिन मिथुनले मैँयालाई सोधे – भाभी, आजकल सञ्जय बाबु देखिनुहुन्न नि?
