नेपालको वायु प्रदूषणको कारण यहाँ हुने गतिविधिबाट मात्र नभई भारतबाट आउने प्रदूषित कणहरू पनि रहेको विज्ञहरूले बताएका छन्।
भारतको उत्तरप्रदेश र विहार राज्यमा हजारौंका सङ्ख्यामा रहेका इट्टाभट्टीहरू एवम् पञ्जाब र राजस्थान राज्यहरूमा अन्नबाली स्याहारेपछि जलाइने डाँठ-खोस्टाहरूको धुवाँको असर नेपालमा पर्ने उनीहरू बताउँछन्।
त्यस्तो असर खासगरी हिउँद र सुख्खा याममा जटिल समस्या बन्ने गरेको पाइएको छ।
त्रिभुवन विश्वविद्यालय वातावरण विभागकी प्राध्यापक रेजिना मास्के भन्छिन्: "हिउँद र सुख्या याममा लुम्बिनी र सौराहामा काठमाण्डूमा भन्दा बढी प्रदूषण देखिन्छ।"
"तराईमा रहेका कलकारखानासँगै सीमापारबाट आउने प्रदूषित कण त्यसका लागि जिम्मेवार छन्।"
