कुटनीतिक वृत्तको प्रतिष्ठित म्यागेजिन फोरेन पोलेसीको अनलाइनमा प्रकाशित लेखमा चीन र रुसको बढ्दो प्रतिस्पर्धा जित्न कोल्बीले अमेरिकाले नयाँ सैनिक अवधारणा ल्याउनु पर्ने उल्लेख गरेका छन्। म्याजेगिनमा मे अंकमा प्रकाशित उनको लेखमा विश्वभर अमेरिकी सैनिक उपस्थित देखाउन नक्सामा संकेतहरु प्रयोग गरिएका छन्। सो ग्राफिक्समा नेपाली भूभागमा अमेरिकी सेनाको पुष्टि नभएको लिली प्याड रहेको उल्लेख छ।

 

लिली प्याड भनेको सानो सैनिक संरचना हो। यसको मौद्रिक मूल्य एक करोड अमेरिकी डलरभन्दा कम हुन्छ वा दस एकड जमिनमा भन्दा कममा फैलिएको हुन्छ। लेखले नेपालसहित भारत, श्रीलंका त्यस्तो संरचना रहेको औंल्याएको छ।

कोल्बीले आफ्नो लेखमा उल्लेख लेखमा अमेकिराका विश्वभर छरिएर रहेको सैनिक संरचनाका नक्सामा राखेका छन्। अमेरिकाको विश्वभर सैनिक उपस्थितिबारे अध्ययन गर्दै आएका अमेरिकन युनिभर्सिटीका प्राध्यापक डेभिड भिनको तथ्यांकको आधारमा तयार पारेको उल्लेख गरेका छन्।