नेपाल कम्युनिस्ट पार्टी (नेकपा) सँग दुईबुँदे सम्झौता गरी सरकारमा सहभागी भएको तत्कालीन फोरम नेपालले उल्लेख्य केही गर्न नसकेपनि पार्टी एकीकरण गर्न भने सफल भएको छ । 

फोरम नेपाल र नयाँ शक्ति पार्टी नेपालबीच एकीकरण भई समाजवादी पार्टी, नेपाल बनेको छ । फोरम नेपालको यो एक वर्षमा सबैभन्दा महत्त्वपूर्ण उपलब्धि भनेको यही हो । हुन त राजपा नेपालसँग पनि एकीकरणका लागि पत्राचार भएको छ, तर उपलब्धि भने शून्य छ । 

फोरम नेपालले यो बीचमा महाधिवेशनको मिति पनि तय गरेको थियो । वैशाखमै महाधिवेशन गर्ने मिति तय भएको थियो । नयाँ शक्तिसँग एकीकरण भए पछि एकता महाधिवेशन असोजमा गर्नेतरी तयारी गरिएको छ ।