‘त्यहाँ व्यक्तिको घरमात्रै तोडफोड गरिएन। घरमा आगो लगाइदिएर पत्रकार थुनेर मारियो’ उनले भने ‘जो सुकै भए पनि घटनामा संलग्नहरूलाई कारबाही हुन्छ। त्यो कार्यक्रमको योजनाकारहरूको पहिचान गरेर कारबाही हुन्छ।’
बिएल संवाददाता - काठमाडाैं
आजै प्रधानमन्त्री केपी शर्मा ओलीले संसदमा सम्बोधन गर्दैछन्। नेपाल विद्यु प्राधिकरणका कार्यकारी निर्देशक कुलमान घिसिङलाई हटाएपछि प्रतिपक्ष सांसदहरूले प्रधानमन्त्रीको जवाफ माग्दै संसद अवरुद्ध गरिरहेका थिए।
बिएल संवाददाता - काठमाडाैं
मूल योजनाकार नै ज्ञानेन्द्र शाह देखिन्छन्, निर्मल निवास देखिन्छ। निर्मल निवासको प्रत्यक्ष योजनामा, निर्देशन र उक्साहटमा क्रियाकलाप भएको देखिएको छ। किनकी फागुन ६ गते पूर्वराजाको वक्तव्यबाट सबै कुरा स्पष्ट हुन्छ। ‘कदम चाल्ने बेला आयो, तपाईहरूको साथ चाहियो’ भनेर उहाँले के भन्न खोज्नु भएको हो ?
बिएल संवाददाता - काठमाडाैं
विद्यार्थी संगठनहरूको विवादका बीच ५ गते हुन नसकेको चुनाव चैत ८ गते तोकिएको थियो। तर उच्च अदालतले अल्पकालीन आदेश दिएका कारण त्यो चुनाव पनि रोकिएको थियो। शुक्रबार फेरि अदालतले अन्तरिम आदेशलाई निरन्तरता दिन नपर्नेगरी अर्को आदेश जारी गरेपछि आज चुनाव हुन थालेको हो।
बिएल संवाददाता - काठमाडाैं
इस्लाम धर्मावलम्बीहरुले सोमबार इद मनाउँदै छन्। एक महिना लामो रमादान पर्व (रोजा) पूरा भएको खुशीयालीमा आज इद उल फित्र मनाउन लागिएको हो।
बिएल संवाददाता - काठमाडाैं
बैठकमा प्रधानमन्त्री केपी शर्मा ओलीले सम्बोधन गर्ने कार्यसूची रहेको छ। ओलीले गत शुक्रबार भएको राजावादीहरूको हिंसात्मक आन्दोलन, विपक्षी दलहरूले उठाउँदै आएको नेपाल विद्युत प्राधिकरणका कार्यकारी निर्देशक कुलमान घिसिङको बर्खास्ती प्रकरणलगायत विषयमा सम्बोधन गर्ने कार्यसूची छ।
बिएल संवाददाता - काठमाडाैं
सोमबार सरकारले सार्वजनिक बिदा दिने भएको छ। आइतबार गृह मन्त्रालयले सार्वजनिक बिदासम्बन्धी सूचना जारी गर्दै इस्लाम धर्मावलम्बीहरूको पर्व ईद (ईद उल फित्र)का दिन सार्वजनिक बिदा दिने निर्णय भएको जानकारी दिएको हो। सूचनामा लेखिएको छ, ‘२०८०/१०/२९ गतेको नेपाल राजपत्रमा प्रकाशित सूचनाअनुसार इस्लाम धर्मावलम्बीहरूको पर्व ईद (ईद उल फित्र)का दिन सार्वजनिक बिदा दिने निर्णय भएको सन्दर्भमा उक्त पर्वको अवसरमा २०८१ चैत १८ गते सोमबार सार्वजनिक बिदा दिने निर्णय भएको व्यहोरा सम्बन्धित सबैको जानकारीको लागि यो सूचना प्रकाशित गरिएको छ।’
बिएल संवाददाता - काठमाडौं
जिल्ला अदालत काठमाडौंले राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रवीन्द्र मिश्र र धवलशमशेर जबरालाई पाँच दिन थुनामा राख्न अनुमति लिएको छ। शुक्रबार काठमाडौंको तीनकुनेमा भएको राजावादी आन्दोलनका क्रममा भएको तोडफोड, आगजनी र लुटपाटका घटनामा जिम्मेवार रहेको भन्दै पक्राउ परेका उनीहरूलाई आज जिल्ला अदालत काठमाडौंले म्याद थपेको हो उनीहरू पक्राउ परेको दिनदेखि नै त्यो अवधि गणना हुनेछ। अदालतले दिएको अनुमति अनुसार प्रहरीले अब उनीहरूलाई कम्तीमा मंगलबारसम्म थुनामा राख्न पाउनेछ।
ज्योति देवकोटा - काठमाडौं
नेकपा एमालेका प्रमुख सचेतक महेश बर्तौलाले प्रमुख प्रतिपक्षीले राजावादीहरूसँग मिलेर लगातार सदन अवरुद्ध गरिरहेको बताएका छन्। आइतबार संसद भवनमा सञ्चारकर्मीसँग कुरा गर्दै बर्तौलाले बाहिर गणतन्त्रको पक्षमा नाराबाजी गर्ने र सदनभित्र गणतन्त्रका विरुद्ध ढुंगा हान्नेहरूसँग कुम जोडेर सदन चल्न नदिने कुराले माओवादीको राजनीतिक दृष्टिकोणप्रति नै प्रश्न खडा भएको बताएका हुन्। उनले भने, ‘प्रमुख प्रतिपक्षले लगातार चारदिनदेखि संसद बैठक अवरुद्ध गरिरहेका छन्। प्रमुख प्रतिपक्षले लाज मान्नुपर्ने हो। प्रमुख प्रतिपक्षी दलहरूको राजनीतिक दृष्टिकोणमाथि नै अब प्रश्न चिन्ह खडा भइसकेको छ। बाहिर गणतन्त्रका पक्षमा नाराबाजी लाउने, संसदमा गणतन्त्रका विरुद्धमा ढुंगा हान्नेहरूसँग कुम जोडेर संविधान बमोजिम यो हाउस चल्न नदिने?’
बिएल संवाददाता - काठमाडौं
गृहमन्त्री रमेश लेखकले लोकतान्त्रिक गणतन्त्रमा जनताले सरकारलाई प्रश्न गर्न पाउने र सरकारले जवाफ दिनुपर्ने बताएका छन्। आइतबार काठमाडौंमा आयोजित रिपोर्टर्स क्लब नेपालको २७औं वार्षिकोत्सव समारोहमा बोल्दै उनले राजतन्त्रमा हुकुम नै कानुन हुने भन्दै लोकतान्त्रिक गणतन्त्रमा जनताले प्रश्न गर्न पाउने बताएका हुन्। ‘म आग्रह गर्न चाहन्छु जनताबाट निर्वाचित पद्धति जनताको नियन्त्रण रहन्छ। जनताले प्रश्न गर्न पाउँछन्। जुन पद्धतिले जनताबाट निर्वाचित प्रतिनिधिले जवाफ दिनुपर्छ। आलोचनालाई स्वीकार गर्नुपर्छ। पद्धतिविरुद्ध, संविधान भन्दामाथि राजतन्त्र पद्धति नै उचित होला भनेर भ्रममा परियो भने देश थप अँध्यारोतर्फ जान्छ,’ उनले भने।
बिएल संवाददाता - काठमाडौं
राष्ट्रिय प्रजातन्त्र पार्टीका वरिष्ठ उपाध्यक्ष रवीन्द्र मिश्र र महामन्त्री धवलशमशेर राणासहित ४१ जनालाई म्याद थपका लागि जिल्ला अदालत काठमाडौंमा उपस्थित गराइएको छ। तीनकुनेको हिंसात्मक आन्दोलनमा जोडिएको आरोपमा पक्राउ परेका उनीहरूलाई हिरासतमा राखेर अनुसन्धान गर्नका लागि म्याद थप गर्न लागिएको हो। उनीहरूमाथि आपराधिक उपद्रव र संगठित अपराधको कसुरमा अनुसन्धान सुरु भएको काठमाडौं प्रहरी परिसरले जनाएको छ।
बिएल संवाददाता - काठमाडौं
नेपाल कम्युनिष्ट पार्टी (एकीकृत समाजवादी)ले पत्रकार सुरेश रजकको विभत्स हत्या भएको भन्दै हत्यारालाई कडाभन्दा कडा कारबाहीको माग गरेको छ। आइतबार पार्टी कार्यालय आलोकनगरमा पत्रकार सम्मेलनको आयोजनागरी नेकपा एसले एभिन्यूज टेलिभिजनका फोटो पत्रकार रजकलाई रिपोर्टिङकै क्रममा राजावादीहरूले घरभित्र थुनेर आगो लगाइ विभत्स हत्या गरेको भन्दै कारबाहीको माग गरेको हो। विज्ञप्तिमा लेखिएको छ, ‘तथाकथित प्रदर्शनका नाममा दरबारिया, राजावादी वितण्डावादीहरूले मान्छेलाई जिउँदै जलाउने, निजी र सार्वजनिक सम्पत्तिमा आगजनी र तोडफोड गर्ने, सञ्चार गृहमा आक्रमण, लुटपाट गर्ने अत्यन्त आततायी, अराजक र हिंस्रक कामहरू गरेका छन्। एभिन्यूज टेलिभिजनका फोटो पत्रकार सुरेश रजकलाई रिपोर्टिङकै क्रममा घरभित्र थुनेर आगो लगाइ विभत्स हत्या गरिएको छ। सुरक्षाकर्मीको हतियार खोस्ने, त्यसको फोटो खिच्ने पत्रकारको खुट्टा भाँच्ने घृणित काम गरेका छन्। हाम्रो पार्टी पत्रकार रजकका हत्यारालाई कडाभन्दा कडा कारबाहीको माग गर्छ।’
बिएल संवाददाता - काठमाडौं
नेपाली कांग्रेसका महामन्त्री विश्वप्रकाश शर्माले शुक्रबारको हिंसात्मक प्रदर्शनको सम्पूर्ण जिम्मेवारी पूर्वराजा ज्ञानेन्द्र शाहले लिनुपर्ने टिप्पणी गरेका छन्। आइतबार संसद भवन नयाँबानेश्वरमा सञ्चारकर्मीसँग कुराकानी गर्दै उनले शुक्रबारको घटनामा पूर्वराजाले नैतिक जिम्मेवारी लिनुपर्ने बताएका हुन्। उनले भने, ‘आज पूर्वराजाले बीपीले जस्तै नैतिक जिम्मेवारी लिनुपर्छ की पर्दैन? मान्छे मारिएको घटनामा बोल्नुपर्छ की पर्दैन? कस्तो राजसंस्था खोजेको? यो घटनामा सम्पूर्ण रुपमा पूर्वराजा दोषी छन्।’
बिएल संवाददाता - काठमाडौं
नेकपा (एमाले)का सांसद रघुजी पन्तले नेकपा एमाले वर्तमान संविधानको रक्षाको लागि सधैं कटिबद्ध रहेको बताएका छन्। आइतबार संसद भवन परिसरमा सञ्चारकर्मीहरूसँग कुरा गर्दै सांसद पन्तले संविधानलाई रक्षा गर्न र विकास गर्न एमाले लागिपरेको बताएका हुन्। उनले भने, ‘नेकपा एमाले वर्तमान संविधानको रक्षाको लागि सँधैं कटिवद्ध छ। यो संविधानलाई रक्षा गर्न, यसलाई विकास गर्न र संविधानलाई विकसित रुप दिन लागिपरिरहेको छ।’ साथै उनले प्रतिपक्षहरूका कारण संसद बैठकमा अवरोध आइरहेको बताए। उनले चैत १५ गते काठमाडौंमा भएको घटनाबारे संसदमार्फत देशलाई जानकारी दिन गृहमन्त्रीले पाउनुपर्ने बताए।
बिएल संवाददाता - काठमाडौं
मेडिकल व्यवसायी तथा राजसंस्था पुनर्स्थापनाका पक्षधर दुर्गा प्रसाईंविरुद्ध साइबर ब्युरोमा फेरि अर्को उजुरी परेको छ। प्रसाईंले झूटा, भ्रामक, र जनमानसमा गलत धारणा फैलाउने अभिव्यक्ति दिएको भन्दै अधिकारकर्मी टिकाराम भुसालले काठमाडौंको साइबर ब्युरोमा उजुरी दिएका हुन्। प्रसाईले नेपालमा समलिङ्गी विवाह यूएसएडको वित्तीय सहयोगमा लागू गरिएको भन्ने झूटा, भ्रामक अभिव्यक्ति दिएको भिडियो टिकटकमार्फत बाहिरिएपछि भुसालले झुटा सूचना प्रवाह र अदालतको मानहानीसम्बन्धी उजुरी दिएका छन्।
बिएल संवाददाता - काठमाडौं
पूर्वअर्थमन्त्री एवम् नेपाली कांग्रेसका सांसद डा. प्रकाश शरण महतले अहिलेको व्यवस्था नै उत्कृष्ट रहेको भन्दै यसको रक्षाको लागि सबै लाग्नुपर्ने बताएका छन्। आइतबार संघीय संसद भवन परिसरमा सञ्चारकर्मीहरूसँग कुरा गर्दै उनले यो व्यवस्था संसारभरी लोकतान्त्रिक अभ्यासको रुपमा लागू भएको भन्दै उत्कृष्ट रहेको दाबी गरेका हुन्। उनले भने, ‘जनताका अधिकार सुरक्षित छन्। जनताको प्रतिनीधिहरूले शासन गर्छन। प्रतिनिधिहरूले राम्रो काम गर्न सकेनन् भने प्रतिनीधिलाई हटाउने अधिकार पनि जनतालाई नै छ। त्यसैले यो व्यवस्था संसारभरीका लागि उत्कृष्ट छ। लोकतान्त्रिक अभ्यास यसमै छ। यो भन्दा उत्कृष्ट अर्को व्यवस्था छैन भन्ने कुरामा दुईमत छैन। यो जनअधिकारको रक्षा सबैले गर्नुपर्छ।’
बिएल संवाददाता - काठमाडौं
राष्ट्रिय स्वतन्त्र पार्टी (रास्वपा)का निलम्बित सभापति रवि लामिछानेले पार्टीको जिम्मेवारीसहित सक्रिय राजनीतिमा फर्किने तयारी गरेका छन्। सहकारी ठगी प्रकरणमा कात्तिक २ गते पार्टी कार्यालयबाटै पक्राउ परेका उनी पोखरा, काठमाडौं, चितवन र बुटवलका जिल्ला प्रहरी कार्यालय र जिल्ला अदालतको चक्कार काटेर अन्ततः घण्टीघरमै फर्किने भएका हुन्। लामिछाने अदालती पक्रियामा गएपछि पार्टीको पुस ८ गतेको सचिवालय बैठकले उपसभापति डोलप्रसाद अर्याललाई कार्यवाहक सभापतिको जिम्मेवारी दिएको थियो।
बिएल संवाददाता - काठमाडौं
प्रधानमन्त्री केपी शर्मा ओलीले माओवादी अध्यक्ष प्रचण्डसँग टेलिफोन वार्ता गरेपछि सर्वदलीय बैठक आह्वान गरेका छन्। आइतबार साँझ ७ बजे बालुवाटारमा बस्ने बैठकमा गणतन्त्रवादी दलका शीर्ष नेतृत्वलाई निमन्त्रणा गरिएको प्रधानमन्त्रीको सचिवालयले जनाएको छ। सर्वदलीय बैठक भनिएपनि राजतन्त्रवादी दलहरूलाई भने निमन्त्रणा नगरिएको स्रोतले बतायो। बैठकमा तीनकुने घटनाको बारेमा गणतन्त्रवादी नेताहरूले धारणा बनाउने बुझिएको छ। सोही कारण राजावादी दललाई बाइकट गरिएको हो। शुक्रबार राजावादी आन्दोलनका क्रममा भएको हिंसात्मक घटनाले नेपालको राजनीतिमा तरंग ल्याएको छ।
बिएल संवाददाता - काठमाडौं
तीनकुनेमा हिंसात्मक प्रदर्शनपछि फरार रहेका दुर्गा प्रसाईंले आफू काठमाडौंमै रहेको दाबी गर्दै भिडियो सन्देश जारी गरेका छन्। उनले फरक-फरक स्थानबाट फरकफरक भिडियो सन्देश जारी गर्दै आफू भाग्ने मान्छे नभएको दाबी गर्दै आफूलाई पक्राउ र पूर्वराजालाई नजरबन्दमा राख्न चुनौती दिएका छन्। उनले आन्दोलनलाई सरकारले जबरजस्ती हिंसात्मक बनाएको दाबी गरेका छन्।
बिएल संवाददाता - काठमाडौं
‘सरकारले मलाई नजरबन्दमा राखेको हुनाले मेरो अनुपस्थितिमा संयुक्त जनआन्दोलनको नेतृत्व नेपाल ऋषि जगकमानले गर्नुहुनेछ’ उनले भनेका छन् ‘आद्द्दोलन निरन्तर राख्न सबै दल, संघसंस्थालाई सहयोग गर्न आह्वान गर्दछु।’
बिएल संवाददाता - काठमाडौं
१ .
२ .
३ .
४ .
५ .
