थाइल्यान्डमा रहेका पूर्वराजा ज्ञानेन्द्र शाह सोमबार स्वदेश फर्किएका छन्। उनी नेपाल एअरलाइन्सको उडान नम्बर आरए ४०२ मार्फत् साँझ साढे ७ बजे काठमाडौँ आइपुगेका हुन्। शाहसहित पूर्वरानी कोमल,पूर्वयुवराज्ञी हिमानी र नातिनी पूर्णिका र नाति ह्रदयेन्द्र शाह पनि काठमाडौँ फर्किएका छन्।
बिएल संवाददाता - काठमाडाैं
नेपाली खेलकुदको सर्वाधिक राशीको पुरस्कार ‘शरदचन्द्र शाहा मेमोरियल स्पोर्ट्स अवार्ड’ बाट चर्चित म्याराथन धावक बैकुण्ठ मानन्धर तथा करातेकी कीर्तिमानधारी युवा खेलाडी एरिका गुरुङ सम्मानित भएका छन्। नेपाली खेलकुदका कुशल पूर्वसदस्य–सचिव शरदचन्द्र शाहाको स्मृतिमा प्रदान गरिएको यो पुरस्कार यसै वर्षदेखि प्रदान गर्न थालिएको हो। पुरस्कारको धनराषी २ लाख ५० हजार रहेको छ।
बिएल संवाददाता - काठमाडाैँ
दुई जिल्ला जोड्ने गरी १९ वर्ष अगाडि ट्रयाक खुलेको सडक कालोपत्र गरिएको छ। बागलुङको गलकोट नगरपालिका–३ हटिया बजार, ताराखोला हुँदै म्याग्दी जोड्ने सडक कालोपत्र गरिएको हो। पाँच वर्ष अगाडि स्तरोन्नतीसहित कालोपत्र गर्न जिम्मा पाएको निर्माण कम्पनीले यस वर्ष बल्ल काम गरेको छ। यस वर्षमा सात किलोमिटर सडक कालोपत्र गर्ने भनिए पनि साढे चार किलोमिटर मात्रै कालोपत्र भएको पूर्वधार विकास कार्यालय बागलुङका इन्जिनियर चन्द्रबहादुर पुनले जानकारी दिए।
बिएल संवाददाता - बागलुङ
चितवन राष्ट्रिय निकुञ्जको कार्यालय कसराले संरक्षित वन्यजन्तु एकसिङ्गे गैँडाको खाग खरिद बिक्री गरेको अभियोगमा नौ जना विरुद्ध मुद्दा दर्ता गरेको छ। निजहरुविरुद्ध सोमबार चितवन जिल्ला अदालतमा मुद्दा दर्ता गरिएको हो। कार्यालयले सोमबार जारी गरेको विज्ञप्तिमा जनाएअनुसार मुद्दा दायर गरिएकाहरूमा भरतपुर महानगरपालिका–२८ का ४० वर्षीय सन्तबहादुर कुमाल, राप्ती नगरपालिका–३ सुन्दर बस्ती बस्ने ३३ वर्षीये बालकुमार राई, नवलपरासी (बर्दघाट सुस्ता पूर्व) बर्दघाट नगरपालिका–८ भानुनगर बस्ने ३५ वर्षीय देवबहादुर परियार, रुपन्देहीको बुटवल उपमहानगरपालिका–७ कालिका टोल बस्ने ३८ वर्षीय धनबहादुर बानियाँ, बुटवल–११ आनन्द पथ बस्ने ५१ वर्षीय कृष्णराज पाण्डे क्षेत्री रहेका छन्।
बिएल संवाददाता - चितवन
युरोकपमा स्पेन र इटालीले अन्तिम १६ मा स्थान पक्का गरेका छन्। मंगलबार बिहान सकिएको खेलमा स्पेनले अल्बानियालाई १–० गोल अन्तरले पराजित गर्दा इटाली र क्रोएसियाले एक –एक गोलको बराबरी खेलेको थियो।
बिएल संवाददाता - काठमाडाैँ
भारतले आगामी जिम्बाबे टूरका लागि १५ सदस्यीय क्रिकेट टिमको घोषणा गरिएको छ। भारतीय क्रिकेट कन्ट्रोल बोर्डले शुभमन गिलको कप्तानीमा १५ सदस्यीय टिमको घोषणा गरेको हो। टिममा शुभमन गिल (कप्तान), यशस्वी जैसवाल, रुतुराज गायकवाड, अभिषेक शर्मा, रिंकु सिंह, सञ्जु सैमसन, ध्रुव जुरेल, नितिश रेड्डी, रियान पराग, वाशिंगटन सुन्दर, रवि बिश्नोई, आवेश खान, खलील अहमद, मुकेश कुमार र तुषार देशपांडे रहेका छन्।
बिएल संवाददाता - काठमाडाैँ
कञ्चनपुरमा चलिरहेको टेबुल पंखा शरीरमा खस्दा एक जनाको मृत्यु भएको छ। जिल्लाको बेदकोट नगरपालिका-७ गाउजी बस्ने ६८ वर्षीय रत्नप्रकाश लामिछाने घरको आगनमा टेबुल फ्यान (पंखा) चलाएर बसेको अवस्थामा शरीरमा खसेपछि गम्भीर घाइते भएका थिए।
बिएल संवाददाता - कञ्चनपुर
सङ्घीय संसद्अन्तर्गत प्रतिनिधिसभाको बैठक बस्दै छ। बिहान ११ बजेका लागि बोलाइएको बैठकमा बैठकमा विनियोजन विधेयकमाथिको छलफलमा उठेका प्रश्नको जवाफ विभागीय मन्त्रीहरूले दिने कार्यसूची छ। आज परराष्ट्र मन्त्रालय, प्रधानमन्त्री तथा मन्त्रिपरिषद्को कार्यालय, राष्ट्रिय योजना आयोग, उपराष्ट्रपतिको कार्यालय र राष्ट्रपतिको कार्यालयको विभिन्न शीर्षकहरूमाथिको छलफलको क्रममा उठेका प्रश्नको सम्बन्धित मन्त्रीले जवाफ दिनेलगायत कार्यसूची रहेको संसद् सचिवालयले जनाएको छ।
बिएल संवाददाता - काठमाडाैँ
हाल देशभर मनसुनी वायुको प्रभाव परेको छ। जसको प्रभावले देशभर आंशिक देखि साधरणतया बदली रहेको मौसम पूर्वानुमान महाशाखाले जनाएको छ। कोशी, बागमती, गण्डकी, लुम्बिनी र कर्णाली प्रदेशका एक–दुई स्थानमा चट्याङ्गसहित हल्का वर्षा भइरहेको छ।
बिएल संवाददाता - काठमाडाैँ
तपाईँलाई थाहा छ तपाईँले कति थरी कर तिरिरहनु भएको छ? यो आर्थिक वर्षको वैशाखसम्ममा सरकारले साढे आठ खर्ब रुपैयाँको राजस्व सङ्कलन गरेको केन्द्रीय ब्याङ्कको तथ्याङ्कले देखाउँछ।
बिएल संवाददाता - काठमाडाैँ
‘बागमती तिम्रो गौरव, तिम्रो वैभव, कान्तिपुरी । हिजो पनि, आज पनि, भोलि पनि, जिन्दगीको यात्रा यहाँ सधैंभरि ।’ ‘सपनाको खोजीमा पुग्छन् सबै यहाँ, कोही पढ्नमा, कोही काम र डुल्नमा, कोही व्यापार र अवसर खोज्नमा ।’
बिएल संवाददाता - काठमाडाैँ
साेमबार राति २०६ रनकाे लक्ष्य पछ्याएकाे अस्ट्रेलियालाई निर्धारित २० ओभरमा १८१ रनमा सीमित गर्दै भारत विजयी भएकाे हाे।
बिएल संवाददाता - काठमाडाैं
विदेशमा रोजगारीका लागि पठाउने आश्वासन देखाएर ठगेको आरोपमा प्रहरीले दुईजनालाई पक्राउ गरेको छ। पक्राउ पर्नेमा मोरङ घर भएर अनामनगर बस्ने ३४ वर्षीय नर्वदा कुमार खड्का र काठमाडौँको नागार्जुन घर भएका ४० वर्षीय पासाङ लामा छन्।
बिएल संवाददाता - काठमाडाैँ
पोखरा महानगरपालिकाले आगामी आर्थिक वर्ष २०८१/०८२ का लागि साढे ७ अर्बको बजेट ल्याएको छ। आगामी वर्ष कार्यान्वयन हुने गरी उपमेयर मन्जुदेवी गुरुङले ७ अर्ब ५१ करोडको बजेट प्रस्तुत गरेकी हुन्। यो बजेट चालू आर्थिक वर्षभन्दा ४३ करोड रुपैयाँ बढी हो। पोखराले चालू आर्थिक वर्षमा ७ अर्ब ८ करोडको बजेट कार्यान्वयन गरिरहेको छ। आगामी आर्थिक वर्षको पूरा बजेटमध्ये आगामी वर्षका लागि संघ सरकारले ४ अर्ब २० करोड अनुदान दिनेछ भने प्रदेश सरकारले ९ करोड ६३ लाख अनुदान दिने बजेटमा उल्लेख छ।
बिएल संवाददाता - पाेखरा
उनीहरूसँगै भिडियाेमा अन्य कलाकारहरू पनि नाचिएकाे देखिन्छन्। अनिल कपूरदेखि काजाेलसम्मकाे उपस्थित रहेकाे उक्त पार्टीमा सिंगर हनी सिंहले पनि गीत गाएका थिए।
बिएल संवाददाता - काठमाडाैं
गृहमन्त्री लामिछानेले प्रतिनिधिसभाको बैठकमा जीबी राई पक्राउ गर्न सरकार प्रयत्नशील रहेको बताउँदै जीबी राईलाई नेपाल ल्याउन कानुनी कठिनाइ भइरहेको बताए।
बिएल संवाददाता - काठमाडौं
साेमबार नगरसभाको पाँचौँ अधिवेशनको तेस्रो बैठकमा स्रोत व्यवस्थापनतर्फ संघीय सरकारबाट एक अर्ब ३२ करोड ८० लाख र बागमती प्रदेश सरकारबाट २२ करोड ९२ लाख ९२ हजार प्राप्त हुने अनुमान गरिएको उनले बताइन्।
बिएल संवाददाता - काठमाडाैं
गृहमन्त्री रवि लामिछानेले विगतमा गरिएका २५ वटा विभिन्न अपराधका फाइल खोल्ने तयारीमा आफू रहेको बताएका छन्।
बिएल संवाददाता - काठमाडौँ
सोमबार आयोजित १५औँ नगरसभाको बैठकमा उपप्रमुख सुनिता डंगोलले आगामी आर्थिक वर्ष २०८१/८२ का लागि उक्त बजेट विनियोजन गरेकी हुन्।
बिएल संवाददाता - काठमाडौं
बलात्कार आरोपमा पक्राउ परेका तपस्वी रामबहादुर बम्जन दोषी ठहर भएका छन्। साेमबार सर्लाही जिल्ला अदालतले बम्जनलाई दोषी ठहर गरेको अधिकारीहरूले जनाएका छन्।
बिएल संवाददाता - काठमाडाैँ
१ .
२ .
३ .
४ .
५ .
