BreakNLinks

मङ्गलबार, १२ अगस्ट २०२५

राजनीति

‘सहकारी नियमन प्राधिकरण’को अध्यक्षमा केदारनाथ शर्मा नियुक्त

भूमि व्यवस्था, सहकारी तथा गरिबी निवारण मन्त्रालयले  राष्ट्रिय सहकारी नियमन प्राधिकरणको अध्यक्षमा केदारनाथ शर्मालाई नियुक्त गरेको छ। यसअघिका अध्यक्ष तत्कालीन सचिव अर्जुनप्रसाद पोखरेलको अवकाशपछि प्राधिकरणको रिक्त अध्यक्ष पदमा सचिव शर्मा नियुक्त भएका हुन्। शर्मालाई मन्त्री बलराम अधिकारीले पद तथा गोपनीयताको शपथ ग्रहण गराइसकेका र बुधबारबाटै शर्माले प्राधिकरणको जिम्मेवारी सम्हालेका प्राधिकरणका प्रवक्ता रबिन ढकालले बताए।

बिएल संवाददाता

बिएल संवाददाता - काठमाडौं

सिंहदरबारमा ओली, देउवा र प्रचण्डबीच भेटवार्ता

तीन दलका शीर्ष नेताहरूबीच सिंहदरबारमा भेटवार्ता भएको छ। बिहीबार प्रधानमन्त्री एवं एमाले अध्यक्ष केपी शर्मा ओली, कांग्रेस सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल (प्रचण्ड)बीच सिंहदरबारस्थित प्रधानमन्त्री कार्यालयमा भेटवार्ता भएको हो। प्रधानमन्त्रीको सचिवालयका अनुसार यतिबेला बैठक चलिरहेको छ। भेटवार्तामा पछिल्ला राजनीतिक घटनाक्रम र संक्रमणकालीन न्यायको विषयमा छलफल भइरहेको प्रधानमन्त्रीको सचिवालयले जनाएको छ।

बिएल संवाददाता

बिएल संवाददाता - काठमाडौं

प्रचण्डद्वारा ‘नयाँ क्रान्ति’ गर्ने उद्घोष, सरकारले दमन गरे ‘विद्रोह’ हुने चेतावनी

(माओवादी केन्द्र)का अध्यक्ष पुष्पकमल दाहाल (प्रचण्ड)ले फेरि नयाँ क्रान्तिको सुरु गर्न लागेको भन्दै सबै नेता तथा कार्यकर्तालाई तयारी अवस्थामा रहन निर्देशन दिएका छन्। बिहीबार १३६औं मे दिवसको अवसरमा काठमाडौंमा आयोजित कार्यक्रमलाई सम्बोधन गर्दै उनले आफ्ना मुद्दाहरूमा फेरि एकचोटी शान्तिपूर्ण क्रान्ति गर्न लागेको भन्दै सरकारबाट दमन भएमा दुनियाँका कुनै तागतले रोक्न नसक्ने चेतावनी दिए। उनले भने,‘तपाईहरू राम्रो तयारीमा बस्नुहोस्। हामी छिट्टै अब ठूलो आन्दोलनमार्फत देशमा एउटा नयाँ राजनीतिक क्रान्तिको तयारी गर्नैपर्छ। एकचोटी क्रान्ति गर्ने छौं। त्यो क्रान्ति शान्तिपूर्ण हुन्छ। तर राज्य र सरकारमा भएकाहरुले यदि शान्तिपूर्ण आन्दोलनलाई बल प्रयोग गर्ने गल्ती गरे भने, दमनद्धारा रोक्न खोजे भने त्यहाँ जनताको विद्रोहको अधिकारलाई दुनियाँको कुनै तागतले रोक्न सकेको छैन्। नेपालमा पनि सक्दैन।’

बिएल संवाददाता

बिएल संवाददाता - काठमाडौं

‘सगरमाथा इज सगरमाथा’- केपी ओली

प्रधानमन्त्री ओलीले विश्वको सर्वाेच्च शिखर सगरमाथालाई सगरमाथाकै नामबाट ब्राण्डिङ गर्नुपर्ने बताएका छन्। कोशी प्रदेश सरकारद्वारा आयोजित कोशी लगानी सम्मेलन, २०८२ को बिहीबार उद्घाटन गर्दै प्रधानमन्त्री ओलीले सरगमाथालाई ‘माउन्ट एभरेष्ट’ भनिरहन नपर्ने बताए। उनले सगरमाथाको अर्को नाम ‘माउन्ट एभरेष्ट’ नक्कली भएको दाबी गरे। उनले भने, ‘एभरेष्टसँग माउन्ट एभरेष्टको सगरमाथाको कुनै लेनादेना छैन, त्यसकारण यो नक्कली नाम हो। हामीले सगरमाथा नै भन्नुपर्छ, प्रपर नाउन भनेको अर्को हुँदैन, त्यसैले सगरमाथा इज सगरमाथा।’

बिएल संवाददाता

बिएल संवाददाता - काठमाडौं

सरकारमा जाने रुची छैन– प्रचण्ड

नेकपा माओवादी केन्द्रका अध्यक्ष पुष्पकमल दाहाल प्रचण्डले सरकारमा जाने कुनै रुची नभएको बताएका छन्। अन्तर्राष्ट्रिय श्रमिक दिवसको अवसरमा अखिल नेपाल ट्रेड युनियन महासंघ केन्द्रीय समितिले आयोजना गरेको कार्यक्रमलाई सम्बोधन गर्ने क्रममा उनले यस्तो बताएका हुन्।

बिएल संवाददाता

बिएल संवाददाता - काठमाडाैं

सरकार र शिक्षकको सहमतिमा असन्तृष्ट विद्यालय कर्मचारी, छुट्टै आन्दोलन गर्ने तयारी

विद्यालय कर्मचारीहरूले छुट्टै आन्दोलनको घोषणा गर्ने बताएका छन्। नेपाल शिक्षक महासंघ र सरकारबीच भएको सहमति आफूहरूलाई मान्य नहुने बताउँदै छुट्टै आन्दोलनको घोषणा गर्ने बताएका हुन्।

बिएल संवाददाता

बिएल संवाददाता - काठमाडाैं

आफूमाथि बहस सुरु भएपछि हृदयन्द्रको अपिलः ‘सबैले एकअर्काको विचारको सम्मान गरौं’

राजनीतिमा खासै चासो नभएका पूर्वनवयुवराज हृदयन्द्र शाहलाई अनावश्यक रुपमा बहसमा तान्ने प्रयास भएपछि प्रतिक्रिया दिएका छन्। केही दिनअघि अभिनेत्री सुरक्षा पन्तले एक टेलिभिजन अन्तर्वातामा हृदयन्द्रलाई फिल्म क्षेत्रमा आउन सुझाव दिएपछि उनी विवादित बनिन्। उनीमाथि सामाजिक सञ्जालमा आक्रमण भयो। उनको चलचित्र बहिष्कार अभियान नै चल्यो। राजावादीहरूले पूर्वराजा ज्ञानेन्द्र शाहपछि राजाको रोलक्रममा राखेका हृदयन्द्रलाई फिल्म खेल्न सुझाव दिएपछि राजावादीहरूलाई असह्य भयो र उनीमाथि गालिगलौज गरे।

बिएल संवाददाता

बिएल संवाददाता - काठमाडौं

‘पेस्तोल पड्काउँदै छमछमी’ नाचेको भिडियो भाइरल भएपछि प्रहरीको ‘राडार’मा जसपा नेतृ

जसपा नेपालकी केन्द्रीय सदस्य डा. बबी सिंह यादवले पेस्तोल पड्काउँदै नाचेको भिडियो भाइरल भएपछि प्रहरीले सोधपुछका लागि बोलाएको छ। बुधबार सामाजिक सञ्जालमा नेतृ यादवले पेस्तोल पड्काउँदै नाचिरहेको भिडियो बाहिरिएको थियो। भिडियो भाइरल भएपछि यादवले भने खेलौना पेस्तोल भएको बताएकी छन्। भिडियोमा उनीसँगै अन्य मानिसहरू पनि धुमधाम नाचिरहेका देखिन्छन्। पेस्तोल हल्लाउँदै देखिएकी उनले आकाशतिर पेस्तोल फर्काउँदै फायर खोल्छिन्। गोली पड्किएपछि धुवाँ उडेको र आँखा पोलेर आँखा मिच्दै गरेको देखिन्छ। यत्तिकैमा एक युवकले उनको हातबाट पेस्तोल लिन्छन्। फुक्दै चिस्याउने प्रयास गर्छन्।

बिएल संवाददाता

बिएल संवाददाता - काठमाडौं

मेयर बालेनसँग र जापानका राजदूतको भेटवार्ता

काठमाडौं महानगरपालिकाका प्रमुख बालेन्द्र साह (बालेन)सँग नेपालका लागि जापानका राजदूत मायादा तोरुले शिष्टाचार भेट गरेका छन्। बुधबार मेयर साहको कार्यकक्षमा भेटघाट भएको हो ।  भेटमा सहरी विकास निर्माण, विकास व्यवस्थापन र सुविधा वितरणका आपसी अभ्यास र सिकाइका विषयमा कुराकानी भएको थियो। कुराकानीका क्रममा मेयर साहले, काठमाडौंको सांस्कृतिक पहिचान अद्वितीय रहेको उल्लेख गरे। सांस्कृतिक मूर्त सम्पदा र मौलिक खानेकुरासँग सामाजिक तथा सांस्कृतिक जीवनको सम्बन्धका विषयमा जानकारी गराए।

बिएल संवाददाता

बिएल संवाददाता - काठमाडौं

‘श्रम गरी गुजारा चलाउनेलाई नै थाहा छैन श्रमिक दिवस’

ढल्किँदो उमेरसँगै यो चर्को गर्मीमा भारीका बोरा बोकेर निधारभरी पसिना बगाउँदै  मजदुरी काम गरी रहेकी रामकलीलाई श्रमिक दिवसका बारेमा केही थाहा छैन। उमेर तीन दशक नाघेकी उनलाई आफ्नो जिविकोपार्जन कसरी गर्ने भन्ने चिन्ता मात्र छ। दिवसका बारेमा केही नबुझेकी उनले आफूले गरेको कामको ज्याला समयमा नै पाए हुन्थ्यो भन्ने छ। यति मात्र नभएर ज्यालाको रकम पनि बढि दिए घर खर्च टार्न सहज हुने उनको भनाइ छ। दुई सन्तानकी आमासमेत रहेकी रामकलीलाई यो महंगीमा कसरी जिविकोपार्जन गर्ने ठुलो चिन्ता छ।

बिएल संवाददाता

बिएल संवाददाता - रौतहट

युक्रेनका खनिजमाथि अब अमेरिकी ‘स्वामित्व’

‘यसअघि नै बाइडेनले युक्रेनलाई ३५० अर्ब डलर दिइसकेका छन्। अब हामीले युक्रेनसँग एउटा यस्तो सम्झौता गरेका छौं जसबाट अमेरिकलाई थुप्रै आर्थिक लाभ प्राप्त हुनेछ’ अमेरिकाले भनेको छ।

बिएल संवाददाता

बिएल संवाददाता - काठमाडाैं

प्रधानमन्त्रीले भने, ‘जय श्रमिक, जय देश!’

शुभकामना सन्देशमा उनले श्रमिकै पसिनाले देश र समाज बाँचिरहेको र अघि बढिरहेको बताएका छन्। त्यस्तै उनले यसअघि श्रमिकको हितका लागि सामाजिक सुरक्षा योजना अघि सार्दा आफ्नो सरकार ब्यङ्ग्य र ट्रोलको सिकार भएको पनि गुनासो गरेका छन्।

बिएल संवाददाता

बिएल संवाददाता - काठमाडाैं

पाकिस्तानका लागि ‘भारतीय आकाश’मा पनि प्रतिबन्ध

यहीबीचमा भारतले पाकिस्तानमाथि हवाइ क्षेत्रमा पनि प्रतिबन्ध लगाएको हो। अब पाकिस्तानी बिमानहरू भारतको आकाशबाट उड्न पाउने छैनन्। त्यस्तै पाकिस्तानी लडाकु बिमान पनि अब भारतीय आकाशमा उड्न पाउने छैनन्।

बिएल संवाददाता

बिएल संवाददाता - काठमाडाैं

ऐनचाहिँ उधारो छोडेर फर्किए शिक्षक, नौ बुँदे सहमतिमा के छ?

बुधबार राति सरकारसँग नाै बुँदे सहमति गरेर शिक्षकहरू विद्यालय फर्किएका छन्। तर उनीहरूले मागेकाे शिक्ष ऐन भने असार १५ भित्र पारित हुनेगरी सरकार र दलले लिखित प्रतिवद्धता जनाएका छन्।

बिएल संवाददाता

बिएल संवाददाता - काठमाडाैं

आज १३६ औँ अन्तरराष्ट्रिय श्रमिक दिवस मनाइदैं

सन् १८८६ मे १ मा अमेरिकाको सिकागोमा ‘आठ घण्टा काम, आठ घण्टा मनोरञ्जन र आठ घण्टा आराम’ नारासहित सुरु भएको मजदुर आन्दोलनको सम्झनामा हरेक वर्ष यसै दिन यो दिवस मनाइँदै आइएको छ। सन् १८८९ मा फ्रान्सको पेरिसमा सम्पन्न विश्वका श्रम सङ्गठन एवम् श्रमिक नेताहरूको बैठकले विश्व श्रमिक दिवस विश्वभर मनाउने निर्णय गरेको थियो।

बिएल संवाददाता

बिएल संवाददाता - काठमाडाैं

आठ अर्बमा सकियो आन्दोलन, शिक्षकहरू विद्यालय फर्किने

नेपाल शिक्षक महासंघले त्यसका लागि विभिन्न नौ बुँदे मागहरू सरकारलाई बुझाएको थियो। शिक्षकहरूको मागलाई सम्बोधन गर्न सरकारलाई थप ८ अर्ब भार परेको छ।

बिएल संवाददाता

बिएल संवाददाता - काठमाडाैं

तिमी एक्लो छैनौ…

मेरो मस्तिष्कबाट फुटबलको क्रेज डिलिट भएको करिब दश१० वर्ष नाघ्यो। फुटबलप्रति म निकै आकर्षित थिएँ। अतितको परिवेश र रुचिहरूको आकस्मिक मिलन थियो त्यो सायद। फुटबल प्रेमीहरू एककट्ठा हुन्थ्यौँ ठुलठूला म्याच खेलिने रात। म्याच हेर्न कै लागि राति अनिँदो बस्थ्यौँ। कसैको काेठामा होस् वा कुनै मनपर्दो रेस्टुराँमा, साथीभाइहरूको जमघट भइछाडथ्यो। मन मिल्ने साथीहरूको आगमन हुन्थ्यो। अनि उत्साह अझै चुलिन्थ्यो। बियरका बाेतलहरू प्वाट्टप्वाट्ट खोलिन्थे। नशा झम्म चड्थ्यो, उता खेलाडीहरू तँछाडमछाड गर्थे। यता हामी रेफ्रीलाई रातो कार्ड देखाउन दबाव दिन्थ्यौँ। मानौँ उनीहरू हैन हामी स्वयम् मैदानमा छौँ। डेबिड बेक्खमले हैन फ्री-किक मैले लिँदैछु। ओवेनले हैन गोल मैले गर्दैछु।

बिएल संवाददाता

बिएल संवाददाता - बैंकक, थाइल्यान्ड

पूर्वनवयुवराज हृदयेन्द्रलाई ओलीको सुझावः राजा बन्ने सपना नदेख्नू, कला क्षेत्रमै आए राम्रो हुन्छ

हृदयेन्द्रलाई ओलीको सुझाव– कला क्षेत्रमै आए राम्रो हुन्छ, राजा बन्ने सपना नदेख्नू प्रधानमन्त्री केपी शर्मा ओलीले पूर्वराजा ज्ञानेन्द्र शाहका नाति हृदयेन्द्र शाहलाई कला क्षेत्रमा लाग्न सुझाव दिएका छन्। बुधबार राष्ट्रिय जनसांस्कृतिक महासंघ नेपालको ९औँ राष्ट्रिय महाधिवेशनको उद्घाटन समारोहलाई सम्बोधन गर्दै ओलीले अभिनेत्री सुरक्षा पन्तलाई समर्थन गर्दै पूर्वयुवराज पारसका छोरा पूर्वनवयुवराज हृदयेन्द्रलाई यस्तो सुझाव दिएका हुन्। केही दिनअघि अभिनेत्री सुरक्षा पन्तले एक टेलिभिजन अन्तर्वार्तामा हृदयेन्द्रलाई फिल्म इन्डस्ट्रीमा आउन सुझाव दिएपछि सामाजिक सञ्जालमा उनको व्यापक विरोध भइरहेको छ।

बिएल संवाददाता

बिएल संवाददाता - काठमाडौं

ऊर्जाराज्यमन्त्रीमा खमबहादुर गर्बुजा नियुक्त

ऊर्जा, जलस्रोत तथा सिँचाइ राज्यमन्त्रीमा खमबहादुर गर्बुजा नियुक्त भएका छ्न्। बुधबार नेपालको संविधानको धारा ७६ को उपधारा (९) बमोजिम गर्बुजालाई राष्ट्रपति रामचन्द्र पौडेलले राज्यमन्त्री पदमा नियुक्त गरेका हुन्।

बिएल संवाददाता

बिएल संवाददाता - काठमाडाैं

गणतन्त्र आएपछि ‘केही भएन’ भन्ने भाष्य ठीक होइनः प्रचण्ड

नेकपा (माओवादी केन्द्र)का अध्यक्ष पुष्पकमल दाहाल (प्रचण्ड)ले गणतन्त्र आएपछि ‘केही भएन भन्ने भाष्य ठीक नभएको’ दाबी गरेका छन्। बुधबार बेलौरी नगरपालिकाको पर्यटकीयस्थल सोभताल परिसरमा सञ्चारकर्मीसँग कुराकानी गर्दै उनले गणतन्त्रपछि थुप्रै विकास निर्माण र भ्रष्टाचार निवारणका कार्यहरू भएका दाबी गरेका हुन्। ‘गणतन्त्र आएपछि केही भएन भन्ने भाष्य ठीक होइन। थुप्रै विकास निर्माण, भ्रष्टाचार निवारणका कार्यहरू भएका छन्, तर जनताले अपेक्षा गरेअनुसार जति हुनुपर्थ्यो, त्यो हुन सकेको छैन।’

बिएल संवाददाता

बिएल संवाददाता - काठमाडौं

ट्रेन्डिङ