‘मिसन मंगल’ बक्स अफिसमा ब्लकबस्टर भएसँगै नायिका विद्या बालन फेरि एक चलचित्रमा देखिन लागेकी छिन्। भारतीय मिडियाहरुको अनुसार उनले काम गर्न लागेको नयाँ प्रेजेक्ट हो ‘शकुन्तला देवी’ ।

शकुन्तला देवीलाई ‘दि ह्यूमन कप्यूटर’को उपनामले पनि चिनिन्छ । उनले सानैदेखि नै आफ्नो अद्भुत क्षमताले विश्वलाई नै चकित बनाएकी थिइन् ।उनको कथामा आधारित चलचित्र सोनी पिक्चर्स नेटवर्क प्रोडक्शनको ब्यानरमा निर्माण हुन लागेको हो । यो चलचित्र अनु मेननको निर्देशनमा बन्ने छ । चलचित्रको फस्टलुकमा विद्याले रातो सारी लगाएकी छिन् । यो चलचित्रको छायांकन आजदेखि लण्डनमा सुरु भएको छ ।

चलचित्रको निर्माणपक्षले यो चलचित्रबाट विश्वलाई नै प्रभावित बनाएकी एक महिलाको प्रेरणादायी कथा भन्ने बताएको छ । आउँदो बर्षमा यो चलचित्र रिलिज हुनेछ ।