काठमाडौं । प्रतिबन्धित नेत्रविक्रम चन्द ‘विप्लव’ समूह सरकारसँगको वार्ताका लागि लचक हुने संकेत देखिएको छ । लगातार नेता–कार्यकर्ता पक्राउ पर्ने क्रम जारी रहेको र पार्टीभित्रै वार्ताको लागि दबाब बढ्दै गएपछि विप्लव नेकपाले वार्तामा सहभागी हुने संकेत देखाएको हो ।

गत फागुन अन्तिम साता सरकारले विप्लव समूहमाथि प्रतिबन्ध लगाएपछि उसले खुला रुपमा आफ्ना गतिविधि गर्न पाएको छैन । विभिन्न स्थानमा बम विस्फोट गर्ने, चन्दा आतंक मच्चाउनेलगायत गैरकानुनी गतिविधिमा सक्रिय विप्लव समूह नेता–कार्यकर्ता पक्राउ पर्ने क्रम बढेपछि कमजोर हुँदै गएको सुरक्षा विश्लेषण छ ।