आँखाको ज्योति नभएर के भो त! इच्छाशक्ति भए मन र मस्तिष्कले साथ दिइहाल्छ नि, सफलताको यात्रामा। त्यसैले त दृष्टिविहीनहरुले समाजका विभिन्न क्षेत्रमा प्राप्त गरेका सफलता र उपलब्धिलाई एउटै मञ्चमा  प्रस्तुत गर्न आइतबार राजधानीमा आयोजित कार्यक्रमको नेतृत्व गरेकी  सारा गिरी भन्दै थिइन् – आँखा देख्नेहरुको पनि अझै आँखा खुलोस् भनेर नेपालमा पहिलो पटक यस्तो कार्यक्रम गरिएको हो।