काठमाडौं । च्याम्पियन्स लिग विजेता लिभरपुलले प्रि-सिजन टुर अन्तर्गत लियोनलाई हराउँदै पहिलो जित निकालेको छ।

गए राति सम्पन्न मैत्रीपूर्ण खेलमा लिभरपुलले लियोनलाई ३-१ गोल अन्तरले हराएको हो।

जेनेभामा भएको खेलमा मेम्फिस डिपेले चौथो मिनेटमा पेनाल्टीमा गोल गर्दै फ्रान्सेली क्लब लियोनलाई अग्रता दिलाएका थिए । लिभरपुलका गोलकिपर एलिसनको गल्तिका कारण लियोनले पेनाल्टी पाएको थियो।

तर, खेलको १७ औं मिनेटमा रोबेर्टो फिर्मिनोले गोल गर्दै लिभरपुललाई खेलमा फर्काएका थिए।

जोचिम एन्डरसनले २१ औ मिनेटमा आत्मघाति गोल गरेपछि लिभरपुल २–१ ले अघि बढेको थियो ।

५३ औं मिनेटमा ह्यारी विल्सनले लिभरपुललाई ३–१ को जित दिलाए ।

प्रि-सिजन टुर अन्तर्गत लिभरपुलको यो पहिलो जित हो। यसअघि खेलेका चार खेलमा ३ खेलमा लिभरपुल पराजित भएको थियो भने के खेल बराबरी खेलेको थियो।

यसै खेलबाट मोहमद सलाह, रोबेर्टो फिर्मिनो र एलिसन बिदा सकाएर टिममा फर्किएका छन्।

लिभरपुलले अब अर्को खेल कम्युनिटी सिल्डको फाइनलमा आगामी आइतबार म्यानचेस्टर सिटीसँग खेल्दैछ।