नेपाली कांग्रेस काभ्रेका युवा नेता तथा नेपाल तरुण दलका केन्द्रीय सदस्य रोशनराज पाण्डेले सामुदायिक विद्यालयलाई खेलकुद सामग्री वितरण गरेका छन्।
नमोबुद्ध नगरपालिका वडा-४ स्थित संसारीदेवी सामुदायिक विद्यालयका विद्यार्थीहरूको अतिरिक्त क्रियाकलापका लागि उनले खेलकुदका सामग्री वितरण गरेका हुन्।
आइतबार एक कार्यक्रमका बीच उनले विद्यालयका प्रधानाध्यापकलाई खेलकुद सामग्री हस्तान्तरण गरे।
२ थान फुटबल, २ थान भलिबल, एक सेट बास्केटबल, १ थान क्रिकेट सेट, ब्याडमिन्टन, केही थान स्किपिङ, २ थान क्यारेमबोर्ड जस्ता खेल सामाग्री र शैक्षिक क्रियाकलापका लागि केही स्टेशनरी सामाग्रीहरू विद्यालयलाई हस्तान्तरण गरेका छन्।
