मुगुका जिल्ला समन्वय समिति (जिसस)का प्रमुख ५० वर्षीय मञ्जन कार्की सवार गाडी दुर्घटना भएको छ।
दुर्घटनामा उनी घाइते भएका छन्। उनको टाउकोमा चोट लागेको र अवस्था मध्यम रहेको प्रहरीले जनाएको छ।
उनीसँगै चालक मुगुको सोरु– ३ बस्ने २० वर्षीय भविरा कार्की पनि घाइते भएकाे जिल्ला प्रहरी कार्यालय नवलपुरका प्रहरी नायब उपरीक्षक जेशी शाहले बताए।
उनको पनि अवस्था मध्यम रहेको र दुवैजनाको मध्यविन्दु जिल्ला अस्पतालमा उपचार भइरहेको छ।
दुम्कीबासबाट कावासोतीतर्फ आउँदै गरेको बागमती प्रदेश ०६–००१ ख ०२३१ नम्बरको खाली टिपरले काठमाडौंबाट मुगुतर्फ जाँदै गरेकाे कार्की सवार बागमती प्रदेश १ झ ९११६ को सुमोलाई ठक्कर दिएको थियाे।
पूर्व–पश्चिम राजमार्गको कावासोती– १६ चालिसकिलो जंगलमा टिपरले ठक्कर दिएकाे थियाे।
