सहकारी भनेकै ठग हुन् भन्ने भ्रम समाजमा दिनानुदिन फैलिँदै गएको छ। सरकारले सहकारीप्रति नागरिकहरूमा टुट्दै गएको विश्वासलाई पुरानै लयमा फर्काउन कुनै नीति, तथा कार्यक्रम पनि ल्याएको छैन। सहरी क्षेत्रका केही सहकारीहरूले सदस्यको बचत हिनामिना गर्दा आम नागरिकमा सहकारीप्रति विश्वास टुट्दै गएको हो। ‘गाउँगाउँमा सहकारी, घरघरमा भकारी’ नारालाई सरकारले प्रभावकारी रुपमा कार्यान्वयन गर्नुपर्छ। खराब र असल सहकारीलाई एउटै दाँजोमा राखेर हेर्नुहुँदैन्। समुदायका नागरिकहरूको सारथी बनेर उभिएका सहकारी धेरैको सुख, दुःख बिसाउने थलो पनि बनेका छन्।