मेडिकल व्यवसायी दुर्गा प्रसाईंकाे समूहले भाेलिदेखि तीनकुनेमा प्रदर्शन गर्ने भएकाे छ।
बिहीबार बल्खुमा प्रदर्शन गरेकाे प्रसाईंकाे ‘राष्ट्र, राष्ट्रियता, धर्म संस्कृति र नागरिक बचाऔँ अभियान’ले भोलिदेखि तीनकुनेमा प्रदर्शन गर्ने भएकाे हाे।
भ्रष्टाचार, अनियमितता, घुसखोरी, अन्याय र अत्यचारविरुद्ध लोकतान्त्रिक व्यवस्था परिवर्तनको लागि भन्दै प्रसाईंकाे अभियानले आन्दोलन थालेकाे हाे।
आन्दोलनकाे पहिलाे दिन बिहीबार प्रदर्शनकारी र सुरक्षाकर्मीबीच झडपसमेत भएको थियो। प्रदर्शनकारी तोकिएको घेरा तोडेर निषेधित क्षेत्रतर्फ जान खोज्दा झडप भएको हो। स्थितिलाई नियन्त्रणमा लिन प्रहरीले अश्रुग्यास र पानीको फोहरा प्रहार गरेको थियो।
.jpeg)
