धनकुटाकाे धनकुटा नगरपालिका-१ निगोलमा एकै परिवारका तीन जना घरभित्रै मृत भेटिएका छन्।

जिल्ला प्रहरी कार्यालय धनकुटाका अनुसार ३५ वर्षीय टिकाराम गुरुङ, उनकी श्रीमती भिमा गुरुङ र ११ वर्षीय छोरा आयुष मृत भेटिएका हुन्।

टिकारामको शव घरको दलिनमा झुण्डिएको अवस्थामा फेला परेको प्रहरीले जनाएकाे छ। यसैगरी टिकारामकी श्रीमती भिमा र छोरा आयुष खाटमा मृत भेटिएका हुन्।

शव पोष्टमार्टमका लागि अस्पताल पठाएको र घटनाबारे अनुसन्धान भइरहेका प्रहरीले जनाएकाे छ।