गाजाक्षेत्र आसपासका इजरेली समुदायमाथि हमासले गरेको घातक आक्रमणमा इजरेलको शत्रु राष्ट्र इरानको संलग्नताबारे प्रश्न उठिरहेको छ।
वालस्ट्रिट जर्नलमा प्रकाशित एक विवरणमा नाम उल्लेख नगरिएका हमासका र लेबननका गुरिल्ला हिजबुल्लाहका सदस्यलाई उद्धृत गर्दै इरानले एक साता अघि नै इजरेलमा आक्रमणका लागि अनुमति दिएको उल्लेख छ।
यो दाबीमा दम देखिन्छ। यदि इजरेलमाथि भएको आक्रमण पछाडि इरानको पनि हात देखियो भने यसले द्वन्द्वलाई क्षेत्रीय स्तरको द्वन्द्वमा विस्तार गर्नसक्छ।
उक्त आक्रमणको प्रशंसा गर्न र त्यसमा हर्षोल्लास मनाउन इरानी नेताहरू अगाडि देखिए पनि उनीहरूले तत्कालै आफ्नो संलग्नता अस्वीकार गरे।
