अस्ट्रेलिया र न्युजिल्याण्डमा जारी नवौ फिफा महिला विश्वकपको १०औं दिन शनिबार समूह चरणका तीन खेल हुँदैछन् ।
समूह 'जी'अन्तर्गत स्विडेन र इटालीबीच भएको पहिलो खेलमा स्विडेन ५-० को ठूलो गोल अन्तरले बिजयी भएको छ । पहिलो हाफमा तीन गोल गरेको स्विडेनले दोस्रो हाफमा दुई गोल गर्यो । यसरी पाँ गोल खाएको इटली भने कुनै गोल नगरी हेरेको हेरै भयो ।
फिफा बरियतामा स्विडेन तेस्रो र इटाली १६औं बरियतामा छन् ।
अहिले समूह एफ अन्तर्गत ब्राजिल र फ्रान्सबीच भएको खेलमा फ्रान्स २-१ ले विजयी भएको छ । फ्रान्सका लागि १७औं मिनेटमा ले सोमर र ८३औं मिनेटमा रेनर्डले गोल गरेका थिए भने ब्राजिलका लागि ५८औं मिनेटमा डी ओलिभेराले गोल गरेकी थिइन् ।
यो जीतसँगै चार अंकका साथ फ्रान्स समूहको शीर्षस्थानमा पुगेको छ भने ब्राजिल तीन अंकका साथ दोस्रो स्थानमा झरेको छ ।
फिफा बरियतामा फ्रान्स पाँचौं र ब्राजिल आठौं बरियतामा छन् ।
ब्राजिल, फ्रान्स, पनामा र जमैका रहेको यो समूहमा ब्राजिल एक जीत र एक बराबर खेलेर ४ अंकका साथ शीर्षस्थानमा रहेको छ भने दुई बरारबर खेलेको फ्रान्स २ अंकका साथ दोस्रो स्थानमा रहेको छ । समान १ खेल खेलेका जमैकाले एक बराबर खेलेर एक अंक हासिल गरेको छ भने अंकको खाता नखोलेको पनामा पुच्छारमा छ ।
यसैगरी आजको अन्तिम खेले समूह एफ अन्तर्गतकै जमैका र पनामाबीच हुने छ । फिफा बरियतामा जमैका ४३औं र पनामा ५२औं बरियतामा छन् ।
