प्रहरीले काठमाडौंस्थित ठमेलको एक जुवा अड्डामा छापा मारि ९ जनालाई पक्राउ गरेको छ। 

काठमाडौं महानगरपालिका १६ पकनाजोलस्थित सुरज तामाङले सञ्चालन गरेको काठमाडौं भिल्ला एण्ड बारको पहिलो तलाको अपार्टमेन्टभित्र जुवातास खेलिरहेको अवस्थामा काभ्रे पाँचखाल नगरपालिका-८ घर भएकी २९ वर्षीया सोनु तामाङ समेत ९ जनालाई गएराति प्रहरीले पक्राउ गरेको हो। 

प्रहरीले विशेष सूचनाको आधारमा प्रहरी वृत्त लैनचौरबाट खटिएको प्रहरीले उनीहरूलाई ६९ हजार ६ सय रुपैयाँ र ३ बुक तास सहित पक्राउ गरेको हो। 

पक्राउ परेकालाई प्रहरी थुनामा राखि आवश्यक अनुन्धान अघि बढाइएको प्रहरीले जनाएको छ।