प्रतिनिधिसभातर्फ जुम्लामा राष्ट्रिय प्रजातन्त्र पार्टी (राप्रपा) का ज्ञानेन्द्र शाहीले अग्रता कायमै राखेका छन्।
पछिल्लाे मतपरिणामअनुसार १३ हजार ६५ मत गणन गर्दा शाहीले ६ हजार ६६९ मत प्राप्त गरेका छन् भने नेकपा माओवादी केन्द्रकी गोमा कुँवरले २ हजार ८९० मत पाएकी छन्।
त्यस्तैगरी नेकपा एमालेका रतननाथ योगीले १ हजार ७९५ मत पाएका छन्। नेपाल मजदुर पार्टीका डिल्ली प्रसाद काफ्लेले ३ सय ७६ मत प्राप्त गरेका छन्।
