यही मङ्सिर ४ गते सम्पन्न प्रतिनिधिसभा तथा प्रदेशसभा सदस्यको निर्वाचनको मतगणनाका लागि जिल्लाको चारै निर्वाचन क्षेत्रमा सर्वदलीय बैठक बसिरहेको छ। 

सिरहाका मुख्य निर्वाचन अधिकृत काजीबहादुर राईले बैठक सकिएलगत्तै मतगणना सुरु हुने बताए। उनका अनुसार जिल्लाको क्षेत्र नं १ को मतगणना लहानस्थित दुलिचन अतिथि सदन, क्षेत्र नं २ को धनगढीमाई नगरपालिकाको प्रशासकीय भवन, क्षेत्र नं ३ को चन्द्र माध्यमिक विद्यालय सिरहा र क्षेत्र नं ४ को मोहन माध्यमिक विद्यालय मिर्चैयामा हुने मुख्य निर्वाचन अधिकृत राईले जानकारी दिए।