नेपाली कांग्रेसका नेता डा.शेखर कोइरालाले संविधानलाई सही बाटोमा लैजान गठबन्धन निर्माण भएको बताएका छन्। शनिबार विराटनगरमा आयोजित सत्ता गठबन्धनको भेलालाई सम्बोधान गर्दै कोइरालाले यस्तो बताएका हुन्।
उनले असल शासन, लोकतन्त्र र समुन्नत समाज निर्माणका लागि गठबन्धन आवश्यक रहेको बताए। ‘लोकतन्त्रको समर्थनका लागि, संविधानको रक्षाका लागि, असल शासन दिनका लागि गठबन्धन बनेको छ,’ कोइरालाले भने।
मोरङ क्षेत्र नं. ६ बाट प्रतिनिधि सभा सदस्यका उम्मेदवारसमेत रहेका कोइरालाले अब गठबन्धनविना सरकार बन्न नसक्ने दाबी गरेका छन्। ‘गठबन्धनविना सरकार बन्न सक्दैन्,’ उनले भने, ‘चाहे चुनाव अघि होस् या पछि गठबन्धनको आवश्यक छ।’