तुलसीपुर उपमहानगरपालिका—१७ मा मतदान सकिएको छ।
विहान ७ बजेदेखि सुरु भएको मतदान साँझ साढे ६ बजे सकिएको थियो। मतदानमा कुल ४ हजार ३३९ मत खसेको छ।
तुलसीपुर–१७ मा एमालेका उम्मेदवार लबरु चौधरीको मुत्युपछि बैशाख ३० गते हुने निर्वाचन स्थिगित गरेर जेठ ३ गते आज गरिएको हो।
मतदान सकिएलगत्तै मतपेटिकाहरु तुलसीपुरस्थित सरकारी वकिलको कार्यालयमा लगिएको छ।
उक्त वडामा मतदान सम्पन्न भएसँगै तुलसीपुर उपमहानरको सबै वडाका मतगणना आज राति ८ बजेदेखि सुरु गरिने भएको छ।
मतगणनास्थलको ५ स्थानमा मतगणना सुरु गर्ने तयारी निर्वाचन कार्यालयले गरेको छ।
मतगणनास्थलमा सिसि क्यामेरा सहित आवश्यक सुरक्षा व्यवस्था कडा गरिएको जिल्ला निर्वाचन सुरक्षा समितिका संयोजक हिरालाल रेग्मीले बताए।
.JPG)
