सत्तारूढ गठबन्धनका शीर्ष नेताहरूबीच बालुवाटारमा छलफल भएको छ।
आइतबार बिहान प्रधानमन्त्री शेरबहादुर देउवाले नेकपा माओवादी केन्द्रका अध्यक्ष पुष्पकमल दाहाल प्रचण्ड, जसपा अध्यक्षद्वय बाबुराम भट्टराई र उपेन्द्र यादव, नेकपा (एकीकृत समाजवादी) का अध्यक्ष माधवकुमार नेपाललगायतका शीर्ष नेताहरूसँग छलफल गरेका हुन्।
राजनीतिक दलसम्बन्धी अध्यादेशबारे तत्काल निर्णय लिन र केही दिनभित्र मन्त्रिपरिषद् विस्तार गर्नेबारे गठबन्धनमा छलफल भएको छ। बैठकमा अध्यादेश फिर्ता गरेर तत्काल मन्त्रिपरिषद् विस्तार गर्ने विषयमा छलफल भएको एक नेता बताए।
बैठकले अध्यादेश र सरकारलाई पूर्णता दिने विषयबारे निर्णय गर्ने जिम्मा शीर्ष नेताहरूलाई दिएको छ।
