अपडेट: भेटियो हराइरहेकाे तारा एयरको विमान

• • •

सम्पर्कविहीन भएको तारा एयरको विमान भेटिएको छ।

नेपाली सेनाका प्रवक्ता सहायक रथी नारायण सिल्वालले ट्वीटरमार्फत सो कुराको जानकारी दिएका हुन्। उनका अनुसार जहाज मुस्ताङकाे थासाङ– २ स्थित सानाेस्वारमा भेटिएकाे हाे।

आइतबार बिहान ९ बजेर ५५ मिनेटमा पोखराबाट मुस्ताङको जोमसोमका लागि उडेको तारा एयरको जहाज सम्पर्कविहीन भएको थियाे।

विमानमा सवार चालक दलका सदस्य र यात्रुहरुको अवस्थाको बारेमा भने विवरण आउन बाँकी रहेकाे छ। जहाजमा चालक दलका ३ सदस्यसहित २२ जना सवार थिए।

• • •