पर्सामा चट्याङ लागेर दुई जनाको मृत्यु भएकाे छ।
मंगलबार विहान चट्याङ लागेर जिराभवानी गाउँपालिका वडा नं. ३ जितपुर निवासी ४५ बर्षीय अस्तुर्नी देवी थरुनी र सखुवा प्रसौनी गाउँपालिका वडा नं. ४ देउरवाना निवासी ५२ बर्षीय रघुवीर यादवकाे मृत्यु भएकाे प्रहरीले जनाएकाे छ।
स्थानीयहरूसँगै खेतमा राेपाइँ गरिरहेकाे अवस्थामा विहान ७ बजे चट्याङ खस्दा थरुनीको घटना स्थलमै मृत्यु भएकाे र अन्य ४ जना घाइते भएकाे ईलाका प्रहरी कार्यालय पटेर्वा सुगौलीका प्रहरी निरीक्षक रामकाजी थापाले बताएका छन्।
त्यस्तै, भैसी चराइरहेकाे अवस्थामा चट्याङ खस्दा रघुवीर यादवकाे पनि घटना स्थालमै मृत्यु भएकाे प्रहरीले जनाएकाे छ।