बर्मेली सेना झन् बढी क्रूर बन्दै गइरहेको छ।
प्रजातान्त्रको लडाइँमा उत्रिएका आम नागरिकको कत्लेआम गरिरहेको जुन्ता सरकारले कारेन राज्यको पापुन जिल्लामा सर्वसाधारणको घरमा रकेट लञ्चरले हमला गर्न थालेको छ।
केही दिनअघि भएको भिन्दाभिन्दै हमलामा दुई गाउँलेले ज्यान गुमाएको स्थानीयले बताएका छन्।
२ अप्रिलमा राती ७ बजेर २० मिनेट जाँदा बर्मेली आर्मीले मुट्रो जिल्लाको बुथो शहर नजिकैको लेरडे क्वा गाउँमा तीन वटा मोर्टारबाट हमला गरेको थियो।
जसमा ५५ वर्षीय नाउ मु थो मारिएकी थिइन भने उनको ५६ वर्षीय श्रीमान शाँ मिया आङ घाइते भएका थिए। यो जोडीको ६ जना केटाकेटी थिए भने आमाको निधनपछि बालबच्चाको बिचल्ली भएको छ।
यस्तै, ३० मार्चको अर्को घटनामा सेनाले माई काउ नाउ मो थो क्षेत्रमा हेलिकोप्टरबाट नौ वटा बम खसालेको थियो, जसमा ७६ वर्षीय साउ फा लो पोइको निधन भएको थियो।
