शुक्रबार दिउँसो काठमाडौँको आकाशमा अत्याधिक वायु प्रदुषण र तुवाँलो बढेपछि त्रिभुवन अन्तर्राष्ट्रिय विमानस्थलबाट हुने हवाई उडानहरु ठप्प भएका छन्।
दिउँसो २ बजेदेखि विमानस्थलमा उडान तथा अवतरण बन्द भएको हो। अहिलेसम्म ४ वटा आन्तरिक उडान रद्ध भईसकेका छन्। काठमाडौँबाट भरतपुर, पोखरा, बुटवल र धनगढीसम्मको उडान रद्ध भएका हुन्। त्यस्तै अन्तराष्ट्रिय उडानमा पनि समस्या आएको छ। १६ वटा बाह्य उडान रोकिएका छन्।
काठमाडौँको आकाशमा तुवाँलोले ढाकेपछि विमानस्थल आसपासको क्षेत्रमा ‘भिजिबिलिटी’ नपुग्दा जहाज उडान र अवतरण बन्द गरिएको हो।
हवाई उडानहरु रद्ध भएपछि विभिन्न स्थानमा पुग्नुपर्ने यात्रुहरु बिचल्लीमा परेका छन्।
.jpg)
